Облыстық АИТВ инфекциясының алдын алу орталығының Шиелі ауданындағы филиалы мен аудандық емхананың жастар денсаулық кабинеті мамандарының ұйымдастыруымен Шиелі кенті №270 Ғ.Мұхамеджанов атындағы орта мектеп оқушылары арасында емхананың жастар денсаулық кабинетінде сұрақ жауап сағаты өткізілді. Іс-шараға облыстық АИТВ инфекциясының алдын алу орталығының Шиелі ауданындағы филиалының маманы мен аудандық емхананың онколог дәрігері, акушер, психолог және жастар денсаулық кабинетінің мамандары қатысып, оқушыларға АИТВ мен ЖЖБИ-дің және қатерлі аурулардың алдын алу, ерте жүктілік, дұрыс тамақтану, салауатты өмір салты мен жауапты мінез құлық тақырыбында ақпараттық түсіндірме жұмыстары жүргізілді. Оқушылар тарапынан мамандарға сұрақтар қойылып, тақырыптық парақшалар таратылды.
